Os obxectivos deste concurso son os de potencia-los
recursos didácticos que ofrecen os cogomelos, de cara a estudiantes e
afeccionados á micoloxía que desexen aumenta-los seus coñecementos
con certa metodoloxía.
A Asociación Micolóxica "Cogumelo" de
Chantada ven a instituir este premio dentro do marco do II Congreso
Nacional de Micoloxía, presentando as seguintes bases:
Bases
A este premio poden concorrer tódalas persoas de
calquera idade e condición.
Estará adicado ós traballos que, dentro do marco
da aportación á mellora do ensino e coñecemento sobre fungos,
contribúan dalgunha maneira a emprega-los cogomelos como material
didáctico e/ou pedagóxico.
O traballo gañador terá que ser presentado e
defendido polo/s autor/es durante unha das sesións do Congreso,
designada pola organización.
Sempre que o Xurado non atope calidade dabondo nos
traballos poderá declaralo deserto.
Traballos
Os traballos escritos téñense que presentar por
triplicado, coa maquetación que o autor considere oportuna, e que
poderá tamén ser avaliada polo Xurado.
Se houbera traballos gráficos ) (carteis, murais,
etc.), presentarase o orixinal e unha memoria explicativa do mesmo, ó
igual que no caso anterior.
O textos presentaranse escritos en procesador de textos tipo Word
6.0 (ou versión posterior, espaciado de 1,5 liñas, sen
tabuladores, nen sangrías. O estilo de letra será Times New
Roman de 12 puntos]
No texto evitarase por diferentes tipos de letra, é decir, non se
empregarán maiúsculas, nen versales. Exceptuanse os nomes
científicos que teñen que figurar en cursiva (nunca suliñados)
Teñen que ser inéditos e poderanse presentar
indistintamente en idioma galego, castelán ou portugués. Os
traballos premiados quedarán en poder da organización, que se
reservará ó dereito de pasalos ó galego para a súa publicación,
segundo proceda.
O prazo límite de presentación dos traballos
remata o 15 de Agosto de 2000.
No interior dun sobre pechado e aparte, incluirase
unha nota na que se escribirá o lema, título real, autor/es,
enderezo completo e teléfono de contacto. Dito sobre levará no
exterior o lema.
Os autores dos traballos non premiados poderán
solicita-la súa devolución antes de fin do ano en curso.
Premios
Xefe da Sección de Fitopatoloxía do Centro de
Investigacións Forestais de Lourizán, Profesor Asociado da Escola
Politécnica Superior de Lugo (Univ. de Santiago)
Dr. Enxeñeiro de Montes, Catedrático da Escola
Politécnica Superior de Lugo (Univ. de Santiago)
O Presidente e Vocais, con voz e voto, emitirán
unha resolución, inapelable, que será comunicada por parte do
Secretario a cada un dos concursantes antes da data de celebración
do Congreso.
Enténdese que os concursantes aceptan as
disposicións contidas nas presentes bases, de xeito que calquera
dúbida na súa aplicación ou interpretación poderá ser resolta
polo Xurado sen máis trámite.